Šta je dekantiranje vina i zašto se praktikuje
09.01.2023
Da li ste nekada u restoranima, vinarijama ili kod prijatelja vidjeli čudan bokal, koji liči na vazu, u koji se sipa vino? Sigurno ste se pitali čemu služi, da li je to samo dekorativni bokal za posluživanje vina ili ima neka tajna.
Ako ste bili uvjereni da postoji neka tajna, bili ste u pravu. Dekanteri za vino jesu posude koje će posluživanje vina učiniti zanimljivijim, prave se u različitim oblicima, ali imaju svoju svrhu. Ukoliko ste ljubitelj vina, bilo bi lijepo da znate šta je dekantiranje vina, zato pročitajte ovaj tekst do kraja.
Šta je dekanter za vino - Dekant značenje
Krenućemo prvo od same posude. Dekanter za vino izgleda kao bokal ili vaza, ali malo čudnijeg izgleda. Grlo je uže, a dno je loptastog obilka. To nije slučajno tako, da bi se privukla pažnja i da bi izgledao atraktivnije.
Takav oblik staklenog dekantera pomaže vinu da dođe u kontakt sa kiseonikom i da se izvrši aeracija vina. Dekanter potiče od latinske reči koja u prevodu znači pretakati.
Vrste dekantera za vino - Bočice za dekantiranje
Danas postoji veliki broj različitih oblika i veličina dekantera za vino. Skoro svaki ozbiljniji proizvođač vina ima neki svoj primjerak za koji tvrdi da je najefikasniji. Ali ono što treba da znate je da postoje dvije vrste dekantera.
Dekanteri za mlada vina su atraktivnijeg izgleda. Imaju usko i dugačko grlo, sa izrazito širokim dnom. Mlada vina, do nekih 10 godina, još uvijek nisu dostigla zrelost i njima je potrebna veća količina kiseonika kako bi sazrela pre konzumiranja. Zato se sipaju u dekantere sa širokim dnom, da se što prije izvrši aeracija.
Dekanteri za starija vina nemaju tako usko grlo i više izgledaju kao bokal. Nakon višegodišnjeg stajanja u boci, preko 10 godina, vino sazrijeva i prije konzumiranja nije potrebna prevelika količina kisonika.
Čišćenje i održavanje dekantera za vino
Još jedna važna stvar u cijelom ovom procesu je način održavanja ovih posuda. Pri pranju staklenog dekantera ne smijete koristiti deterdžente, niti prati u mašini za sudove.
Dovoljno je toplom vodom isprati, koristiti sunđere sa držačima i četke za pranje čaša. Savjetujemo da pribor za pranje dekantera koristite samo za njih, i da sušite na posebnim krpama ili podmetačima.
Šta je dekantiranje vina?
Do sada smo pisali čime se vrši, a sada prelazimo na sam proces dekantiranja. Dekantiranje vina ima tri osnovna cilja:
- aeracija vina (kontakt sa kisonikom);
- filtriranje vina (odvajanje taloga);
- odstranjivanje teških mirisa.
Prije nego što izvršite dekantiranje starog vina, najbolje je da jedan dan ranije bocu stavite u uspravan položaj, ukoliko je odležala u vodoravnom. Tako će se talog spustiti na dno i dekantiranje će biti jednostavnije i uspješnije.
Jednostavno, najbolje je da probate kod kuće da li ovo stvarno funkcioniše. Otvorite novu flašu vina, jedan dio sipajte u dekanter za vino, a drugi dio ostavite u flaši. Nakon 1 – 2 h sipajte u dvije iste čaše vino iz dekantera i vino iz flaše. Pa sami procijenite da li je dekanter stvarno koristan. Na našem online shop-u imate jeftinije i skuplje varijante dekantere za vino, pa napravite sami eksperiment.
Vrijeme i postupak dekantiranja vina
Dekantiranje vina najbolje je uraditi neposredno prije konzumiranja, pogotovo ukoliko je vino starije, jer može doći do oksidacije. U zavisnosti od toga koliko ste nestrpljivi, 10 - 60 minuta biće dovoljno da se proces obavi, a može i duže.
Postupak dekantiranja vina razlikuje se u zavisnosti od starosti vina. Mlada vina treba sipati brže, dok stara vina obavezno sipati sporije u dekanter.
Prilikom dekantiranja mladog vina nije potrebna nikakva vještina, jednostavno sipajte vino u posudu tako da oteče što brže. Tokom brzog sipanja i talasanja vina u posudi doći će do brže aeracije, pa će vino biti spremno za konzumaciju nakon kraćeg vremena. Ovakav način sipanja naziva se još i “šok dekantiranje”.
Ali prilikom dekantiranja starijeg vina morate imati strpljenja. Zbog taloga koji se nalazi na dnu flaše, morate pažljivo i polako sipati. Dekanter držite pod uglom od 45 stepeni i trudite se da vino cijelom dužinom posude klizi do dna.
Koja vina možemo dekantirati?
I na kraju, uvijek se postavlja pitanje za koje vrste vina prije posluživanja treba da sprovedemo ovaj proces. Odgovor je vrlo jednostavan, možete dekantirati skoro sve vrste vina bez obzira ne to da li su skupa ili jeftina.
Jedina vrsta vina za koju nije potrebno dekantiranje su pjenušava vina i šampanjci.
Dekantiranje znatno ubrzava proces aeracije, jer da biste u potpunosti uživali u dobrim mladim vinima, bilo bi potrebno da ih otvorite 8 - 12 sati prije konzumiranja. Dekantiranjem, već posle pola sata određena vina iskazuju pun potencijal. Praktično simuliramo starenje koje bi se desilo sazrijevanjem u boci.
